Retomamos a actividade do noso blog para dar coñecemento das novedades e do traballo que desenvolve a Asociación este ano 2021. E unha das primeiras activiaddes que damos a coñecer e a convocatoria do IV Certame Literario Centro Galicia en Ponferrada "Camiño da Cultura". Un certame que este ano colle folgos buscando unha maior difusión.
E que mellor data para convocalo que este 17 de Maio día das Letras Galegas, este ano dedicado a poeta Xela Arias. Unha figura que este ano protagoniza este día e que ten unha amplia labor non só na Poesía, senon tamén na traducción entre outras facetas.
A continuación deixamos as bases do Certame e convidamos a todos e todas a participar e seguir a nosa actividade que este ano queremos que sea moi especial.
VI CERTAME LITERARIO
CENTRO GALICIA EN PONFERRADA
Camiño da Cultura
O Centro Galicia en Ponferrada promove unha nova edición
do seu Certame literario cumprindo cos seus fins estatutarios de estreitar
lazos entre Galicia e o Bierzo, así como a difusión da cultura galega en tódalas
súas manifestacións. Este concurso colle folgos nesta edición e abre un novo
camiño para a difusión do Galego no Bierzo.
BASES:
1.- Poden concorrer a este certame tódalas persoas que o desexen e residan na
comarca do Bierzo, persoas naturais da comarca que residan fóra, ou persoas que
teñan unha especial vinculación coa comarca que poidan acreditar.
2.- Os traballos presentaranse en lingua galega, e serán orixinais e
inéditos. Que non fosen premiados noutros concursos en data anterior á
deliberación do Xurado. Valorarase positivamente o uso do galego dialectal
propio da comarca do Bierzo (Galego Oriental).
3.- A forma e estilo da obra será totalmente libre, tendo a temática das
obras presentadas nalgún aspecto ligazón co Camiño de Santiago.
4.- A extensión dos orixinais será dun máximo de tres follas (2.100
palabras aproximadamente) e un mínimo dunha cara (mínimo de 600 palabras), en
tamaño DIN
A-4.
Tódalas páxinas deberán estar numeradas a excepción da portada.
5.- Para poder participar no Certame será necesario acompañar á obra
presentada a ficha de inscrición que se adxunta nas bases cuberta correctamente
nunha das formas indicadas no seguinte punto.
6.- As obras presentaranse preferiblemente en formato dixital (arquivo “.pdf”
ou “.doc”) no enderezo electrónico: certamegalegocgponferrada@gmail.com figurando no asunto do correo “Certame Literario Centro Galicia
en Ponferrada”. Poderanse presentar tamén en papel enviando a obra por
duplicado: 1-Ben por correo postal ao enderezo: Centro Galicia Ponferrada Avda.
Reyes Católicos 5-7 24402 Ponferrada; ou ben 2-Entregandoa en persoa nas
oficinas da Sede Social da Asociación no horario de apertura habitual. A data límite de recepción de orixinais
será o 30 de xuño.
7.- O xurado formado por un mínimo de tres persoas e cuxa composición se
dará a coñecer ao emitirse o veredicto, terá como cometidos: escoller as obras finalistas,
seleccionar as obras galardoadas podendo declarar deserto algún premio se así o
considera, e a de interpretar as presentes bases. A decisión do xurado será
inapelable.
8.- O Centro Galicia en Ponferrada comunicará os finalistas do Certame nun
prazo máximo de dez días dende o límite de recepción de orixinais poñéndose en
contacto cos mesmos. Tamén convocará aos finalistas ao acto de entrega de
premios que será presencial (se as condicións sanitarias o permiten) na cidade
de Ponferrada no mes de xullo.
9.- As categorías e premios do VI Certame Literario Centro Galicia en
Ponferrada serán a seguintes:
·
Categoría Infantil: Ata os doce anos, dirixida especialmente ao alumnado de
Primaria que cursa estudos de Galego na Comarca do Bierzo.
1º Premio dotado cun vale de 100€
para material escolar.
2º Premio dotado cun vale de 50€
para material escolar.
·
Categoría Xuvenil: Dende os 13 anos e ata 18 os anos inclusive, dirixida
especialmente ao alumnado de Secundaria e Bacharelato na comarca do Bierzo.
1º Premio dotado cun vale de 100€
para material escolar.
2º Premio dotado cun vale de 50€
para material escolar.
·
Categoría Adulta: A partir dos 18 anos.
1º Premio dotado con 150 € en
metálico.
Tanto os primeiros como os segundos premios de tódalas
categorías gozarán durante un ano e de forma gratuíta da condición de Socio do
Centro Galicia en Ponferrada.
Ademais dos premios de cada categoría, establécense dous
premios especias:
·
Premio especial Galego do Bierzo
·
Premio especial Centro Galicia en Ponferrada
Que se outorgará ao
participante que tendo a condición de Socio do Centro Galicia en Ponferrada, o
xurado valore como máis destacado. O premio estará dotado con 50€ en metálico.
Seleccionaranse catro finalistas de cada categoría (salvo que o xurado opte
por deixar deserta algunha praza), que recibirán un obsequio e un diploma
acreditativo. Na entrega de premios seleccionaranse os premiados entre os
finalistas.
10. Tódolos traballos entregados en formato escrito poderán ser retirados polos
seus autores ou persoas autorizadas nun prazo de 20 días a partir da data de
entrega dos premios.
11.- O Centro Galicia en Ponferrada
dispoñerá do dereito a publicar as obras premiadas na forma e xeito que crea
oportuno. Por outra parte, aquelas obras que pola súa calidade ou interese sexan
recomendadas polo xurado, poderán ser publicadas previo consentimento dos seus
autores.
12.- A presentación de obras a este concurso supón por parte dos autores ou
representantes legais a aceptación das presentes bases. O seu incumprimento
supoñerá a expulsión do Certame.
13.- O Centro Galicia en Ponferrada reservase o dereito a cancelar, modificar
ou suspender calquera convocatoria deste Certame de non poder levarse a cabo por
calquera motivo que afecte ao seu normal desenvolvemento.
14.- De acordo coa nosa política de protección de datos, o Centro Galicia
en Ponferrada integrará os datos de carácter persoal facilitados nos ficheiros
da súa responsabilidade. O afectado terá dereito de acceso, e no seu caso de
oposición, rectificación e cancelación nos termos previsto na “Ley Orgánica 3/2018 de Protección de Datos Personales y
garantía de los derechos digitales” dirixíndose ao Centro nos límites
previstos na lexislación vixente. Salvo indicación expresa, o participante
autoriza ao uso e conservación de ditos datos por parte do Centro Galicia para
usos promocionais, de publicación e difusión do presente certame.
Ponferrada a 10 de Maio de 2021
A Xunta de Goberno do Centro Galicia en Ponferrada
Podes descargar aquí as bases en pdf do certamen e a ficha de inscripción
Bases en pdf: https://drive.google.com/file/d/1-feZX7Hhb6xzgmBP_haa5BzCDQeMBDGf/view?usp=sharing
Ficha de Inscripcción: https://drive.google.com/file/d/1XNNT41bQid8kApHVlJUyUTBjOpmeR3rH/view?usp=sharing
Cartel en pdf: https://drive.google.com/file/d/1aQr8ONq9F3qmAvHOhMYquzqfvAp7_4Fa/view?usp=sharing